吳亦凡被內地當局刑事拘留，其內地social media帳號喺琴晚11點左右遭全面封禁，包括其微博、百度、騰訊、其他各音樂平台等，有媒體形容：「封殺力度算是內地娛樂圈第一人，見證歷史！」喺影音平台搜尋佢有份主演嘅劇集電影，「吳亦凡」全名更被河蟹，取而代之嘅係一串編號：1337000！
內地律師吳法天接受訪問，佢話如果涉案證據屬實，強姦罪一般會被處罰3-10年有期徒刑，如果涉及到未成年人士，或者受害者人數眾多，有可能加重處罰，情節特別惡劣仲有機會判無期徒刑，甚至死刑。
網傳有一小撮支持1337000嘅狂粉，竟然深夜去到北京朝陽警局詢問情況。亦有網友流出北京看守所被關押人士嘅一日三餐，有饅頭、饅頭、饅頭同埋饅頭等，飲食清淡。
Search